Sámegiela neahttakursa neahttačoahkkanemiiguin

Neahtas lea suohtas oahppat! Dán kursii mii ohcat logi olbmo, geat háliidit oahppat sámegiela, ja geain lea mokta doarjut ja movttiidahttit nubbi nuppi. Studeanttat ožžot liŋkka neahttakursii go dieđihit kursii, ja čakčamánus álget njálmmálaš diimmut, njeallje diimmu vahkkui, gitta geassái 2021.

Ulbmilin lea vuos oahppat ságastallat álkes áššiid birra, muhto guhkes áiggi ulbmil lea šaddat sámegielagin. Ollugat leat dan dahkan, dat lea vejolaš, nu ahte cavgil fal oahppásiidda, geaidda dát kursa heivešii!

Description

Ulbmiljoavku: Studeanttat geat eai máhte sámegiela dahje geain lea passiiva giellamáhttu

Oahppanvuohki: Nu gohčoduvvon «flipped learning», mas mii oahpahallat áššiid ovdal čoahkkaneami, ja de deaivvadit maŋŋá ovttas hárjehallat dan maid mii «máhttit». Deaivvadeamit leat Whereby.com-vuogádagas, neahtas.

Kurssa bistin: Čakčamánu 7. b. 2020 – geassemánu 5. b. 2021. Oktiibuot 160 diimmu.

Kursaáiggit: Vuossárggaid ja bearjadagaid diibmu 14.00 – 16.00.

Materiálamáksu: kr 500,-

Materiálamáksu máhcahuvvo kurssa loahpas studeanttaide, geat leat oassálastin unnimustá 80%:i kurssas. Guoská studeanttaide geat leat registrerejuvvon Norgga ássin.

Oahpposajit: Kursii váldit 10 studeantta.

Kursamateriála: Sámegiella 1-2-3 (E-skuvlla neahttakursa). Dat geat háliidit, sáhttet lassin diŋgot girjjiid, Davvin 1 ja 2 haddái kr 700,-. (refunderejuvvo seammáin vugiin go materiálamáksu.

Dieđiheamit: Sádde nama, čujuhusa, riegádanbeaivvi, mobiilanummira ja e-poastačujuhusa ja vel oanehis reivve mas muitala manin háliidat oahppat sámegiela. Sádde čujuhussii adm@e-skuvla.no maŋimustá borgemánu 10. b. 2020.

Studeanttaid vuoruheapmi:

  • sápmelaččat geat eai leat beassan oahppat sámegiela ja háliidit dan oahppat
  • Kárášjoga Sámiid Searvvi miellahtut
  • NSR eará báikkálaš searvvi miellahtut
  • olbmot geat leat barggus Sámis dahje sámi ásahusas
  • eará, omd. bearrašis leat sápmelaččat dahje orru Sámis

Ovttasbargi: Kursa lágiduvvo ovttasbarggus Kárášjoga Sámiid Servviin

Kurssa ruhtada: Kompetanse Norge

E-skuvla kurssa guoktin oassekursan – Sámegiella 1 ja Sámegiella 2 mat goabbáge leat 80 diimmu. Sáhtát searvat goabbáige dahje válljet nuppi.

Reviews

There are no reviews yet.

Be the first to review “Sámegiela neahttakursa neahttačoahkkanemiiguin”

Your email address will not be published. Required fields are marked *