Joatkkakursa: Sámegiella praktihkalaš doaimmaid vuođul

Ulbmiljoavku: Studeanttat geat leat váldán guokte dahje máŋga sámegielkurssa (dahje geain lea sullasaš máhttu sámegielas), ja geat máhttet jo ráhkadit cealkagiid ja ságastallat, muhto dárbbašit hárjehallat eanet ja oahppat lasi.

Oahppanvuohki: Dán joatkkakurssas mii bargat praktihkalaš doaimmaiguin, maid bokte oahppat eanet sániid ja aktiveret giellamáhtu, mii studeanttain jo lea. Juohke studeanta ráhkada ovttas oahpaheddjiin oktagaslaš (individuála) oahppanplána ruovttu lohkamiidda.

Kursa álgá: Čakčamánu 3. b. 2020 ja bistá giđđii 2021.

Kursa lágiduvvo duorastagaid diibmu 18.00 – 20.30 (muhtumin guhkit, muhtumin oanehut) ja lassin joavku pláne vahkkoloahppadoaimmaid iežaset beroštumiid mielde, omd.

  • Bissojogas sáimmastallat 21.-23.8
  • Mátki Vuonnamárkaniidda, Ceavzzageađgái ja Várggáid heaksamonumeantta lusa 4.-6.9
  • Skábmagovat filbmafestivála Anáris 28.-31.1.2021
  • Eanet vahkkoloahppadoaimmat plánejuvvojit vuosttaš kursačoahkkaneames

Kurssas leat 160 diimmu olles jagis.

Description

Materiálamáksu: kr 1300,- čakčalohkanbajis ja kr 1300,- giđđalohkanbajis. Materiálamáksu máksojuvvo ruovttoluotta daidda studeanttaide, geat servet 80% kurssas.

Mátkkiin soaitá šaddat iežasoassi (studeanta máksá oasi mátke- ja borramušgoluin).

Oahpposajit: 10

Dieđiheamit: Sádde epoastačujuhussii adm@e-skuvla.no iežat nama, čujuhusa, mobilnummira, personnummira ja e-poastačujuhusa.

Dieđihanáigemearri: Borgemánu 15. b. 2020

 

Kurssa ruhtadeaddjit: Kompetanse Norge, Sámediggi

Ovttasbargi: Kárášjoga Sámiid Searvi

Dán oahpus deattuhit sámegillii gulahallama ja ovttasbarggu studeanttaid gaskkas. Studeanttat besset hárjehallat hállat sámegiela iešguđetlágan beaivválaš diliin. Praktihkalaš doaimmaid olis hárjehallat giela iešguđet struktuvrraid, ja ruovttus studeanttat lohket dárkileappot daid birra.

Oahpu oassin leat maid beaive- ja/dahje idjadanmátkkit báikkálaš oahpisteddjiiguin. Oahpus leat maid prošeaktabarggut, ja studeanttat plánejit ja ovdanbuktet prošeaktabargguid njálmmálaččat, ja dat geat háliidit čálalaččat.

 

 

Reviews

There are no reviews yet.

Be the first to review “Joatkkakursa: Sámegiella praktihkalaš doaimmaid vuođul”

Your email address will not be published. Required fields are marked *