Dássemolsašumiid animašuvnnat

Dássemolsašumiid animašuvnnat

Dássemolsašumi animašuvnnat ja bargobihtát heivejit ohppiide ja studeanttaide geat oahpahallet davvi-, julev- dahje máttasámegiela, dahje geat háliidit oahppat lasi sámegiela giellaoahpa birra.

Logi giellaoahppafáttá čilgejuvvojit filmmažiin, mat leat 3-5 minuhta guhku. Lassin leat kártenbargobihtát, maiguin iská maid jo máhttá fáttás, ja dasto bargobihtát maiguin hárjehallá lasi.

Kártenjearaldagaide beassá ruoná boaluiguin, filmmažiidda filbmaboaluiguin ja bargobihtáide alit boaluiguin. Dasto sáhttá siiddu vuolleravdda njuolaiguin johtit siiddus nubbái. Robohta deaddilemiin oaččut rávvagiid. Siiddu vuolleravdda stuoridanglássaboaluin beassá bohtosiidda.

 

Dássemolsašumi animašuvnnat

e siiddus leat kártenjearaldagat (ruoná boallu). Das máhcat váldosiidui ruoktu-boaluin. Dasto geahčat filmmaža (oránša boallu) oktii dahje máŋgii. Dan maŋŋá govččat filbmasiiddu. Beasat de alit boaluin fáttá hárjehusaide. Ja fas ruoktu-boaluin váldosiidui. Robohta deaddilemiin oaččut rávvagiid. Siiddu vuolleravdda stuoridanglássaboaluin beasat bohtosiidda.

Description

Liŋka oahpponevvui (boahtá fargga): Dássemolsašumiid animašuvnnat

Giella: Filmmažat ja bargobihtát leat sámegillii ja dárogilli.

Jahki: 2025

Ulbmiljoavku: Joatkkaskuvlla oahppit, geat lohket sámegiella 4 -fága. Heivejit bures maiddái earáide, sihke eatnigielagiidda ja olbmuide geat oahpahallet sámegiela iešguđet dásiin.

Gealboulbmilat Jo1 SO maŋŋá:

– geavahit čielga jietnadeami ja ipmirdahtti sátnesojaheami ja cealkkastruktuvrra

Gealboulbmilat Jo2 SO maŋŋá:

– geavahit ipmirdahtti sátnesojaheami ja cealkkastruktuvrra

Gealboulbmilat Jo3 SO maŋŋá:

– geavahit heivvolaš sátnesojaheami ja cealkkastruktuvrra

Vuođđogálggat: njálmmálaš gálggat, máhttit čállit, digitála gálggat.

Prošeaktajođiheapmi: Kirsi Paltto

Mánus: Kirsi Paltto

Jienaid lohkan: Kirsi Paltto, Liv Natalie Nymo, Jánoš Paltto

Teknihkalaš čađaheapmi: Animasjonsfamilien

Prošeavtta ruhtadan: Sámediggi

 

Liŋka oahpponevvui: Giellaoahppaanimašuvnnat ja bargobihtát.

Giellaoahppaanimašuvnnaid sáhttá geahččat maid njuolga Vimeos dáid liŋkkaid bokte:

Dássemolsašumit (sámegiel filmmat)
1. RR-R
2. HČČ-HČ
3. BB-PP
4. RG-RGG
5. RSK-RSKK, VDN-VNN, KS-VSS
6. RBM-RPM, DN-TN
7. Guđe vearbahámiin lea gievrras dássi ja  geahnohis dássi
8. TN-N, HK-G
9. Guđe substantiivahámiin lea gievrras geahnohis dássi
10. Golbma ceahki ja goas daid dárbbaša

 

Reviews

There are no reviews yet.

Only logged in customers who have purchased this product may leave a review.

Related products