Oahpahus

E -skuvla fállá sámegiela gáiddusoahpahusa. Oahpahus lágiduvvo neahttatelefovnna bokte ja oahpahusas geavahit sihke digitála oahpponeavvuid ja prentejuvvon oahppogirjjiid.

Skuvla váldá oktavuođa E-skuvllain ja ságastallá galle vahkkodiimmu galget, makkár dásis, galgágo oahppái addit árvosáni ja galgágo fágas lágidit eksámena. Go soahpamuš lea dahkkojuvvon, E-skuvla ráhkada lohkanbadjeplána (terminplána) oahppái ja sádde lohkanlisttu ja de šihttojuvvo guđe beivviid ja áiggiid oahpahus lágiduvvo. Skuvla viežžá de nuvttá neahttatelefoniijaprográmma neahtas (www.skype.com), ordne oahppái dihtora, mainna lea vejolaš čállit sámi bustávaiguin ja nu oahpahus sáhttá álgit!


 Dieđut



Buot sámi vuođđoskuvla- ja joatkkaskuvlaohppiin lea oktagaslaš vuoigatvuohta oažžut sámegiela oahpahusa (geahča oahpahuslága 6. kap. ja oahpahusdirektoráhta gihppaga). Jos skuvllas ii leat oahpaheaddji, dat sáhttá fállat oahppái gáiddusoahpahusa, maid E-skuvla lágida. Mii heivehit oahpahusa juohke oahppái sierra. Mii sáhtti maid ráhkadit eksámenbargguid ja veahkehit árvosáni meroštallamiin.

OAHPPOPLÁNAT
Buot oahpahus lágiduvvo sámegiela gustovaš oahppoplánaid vuođul (ML06). Sámediggi lea ruhtadan E-skuvlla neahttaoahpponeavvuid, mat geavahuvvojit gáiddusoahpahusas. Váldde oktavuođa, de mii ráhkadit oahppái heivvolaš oahpahusplána!


Skuvla váldá oktavuođa E-skuvllain ja ságastallá galle vahkkodiimmu galget, makkár dásis, galgágo oahppái addit árvosáni ja galgágo fágas lágidit eksámena. Go soahpamuš lea dahkkojuvvon, E-skuvla ráhkada lohkanbadjeplána (terminplána) oahppái ja sádde lohkanlisttu ja de šihttojuvvo guđe beivviid ja áiggiid oahpahus lágiduvvo. Skuvla viežžá de nuvttá neahttatelefoniijaprográmma neahtas (www.skype.com), ordne oahppái dihtora, mainna lea vejolaš čállit sámi bustávaiguin ja nu oahpahus sáhttá álgit!


Skuvllat, main leat sámi oahppit sáhttet ohcat doarjaga gáiddusoahpahusa lágideapmái Finnmárkku fylkkamánnis diibmologu vuođul. Doarjaga oažžu fágaide
Sámegiella 1 (eatnigielfága)
Sámegiella 2 (ohppiide, geat máhttet vehá sámegiela, go bargagohtet fágain)
Sámegiella 3 (ohppiide, geat eai máhte sámegiela, go bargagohtet fágain)
Sámegiella vierisgiellan. Maiddái friijaskuvllat sáhttet ohcat, vaikko sis ii leatge geatnegasvuohta fállat sámegieloahpahusa.

 

Vállje giela / This post is also available in: English, Suomi, Norsk