Sámi soga lávlla

Isak Saba Stuorradiggái Isak Saba válljejuvvui 1906:s Norgga Stuorradiggái. Son lei vuosttaš sápmelaš, gii válljejuvvui Stuorradiggái. Doppe son lei guokte áigodaga, 1906-1912, bargiidbellodaga ja sápmelaččaid áirrasin. Isak Sabas lei sierra válgaprográmma sámiide. Dat lei vuosttaš geardde, go sámiide lei sierra válgaprográmma Norgga Stuorradikke válgii. Sámiid sierra válgaprográmma almmuhuvvui Sagai Muitalægje áviissas njukčamánu 1. beaivve 1906. Prográmma ᚚit guske sihke dáloniidda, mearra- ja badjesámiide. a) Ipmilbálvalus berre čađahuvvot sámegillii. b) Oahppogirjjit religiuvnnas, biibbal ja sálbmagirjjit galget ain čállot sámegillii Guolásteaddjit galget ain beassat gávppašit ruoššaiguin nuvtgo leat dán radjai dahkan. Šiehtadit guođohanvuoigatvuođaid Suomain, Ruoššain ja Ruoŧain. Seamma vuoigatvuohta sámiide go dážaide oastit eatnamiid. 1916:s Saba fárrii Várggáide ja lei doppe oahpaheaddjin dassážii go jámii 1921:s.