Gákti

Gákti Anáraš almmáigávtti čielgehearvvát. Govva: E-skuvla. Gákti lea sámiid álbmotbivttas. Dat ii leat seammalágan miehtá Sámi. Sámiin leat ollu iešguđetlágan gáktemállet. Gávttis oaidná dovdomearkkaid, mat muitalit makkár guvlui dahje báikái gákti gullá. Iešguđet guovllu gávttiin leat sierralágan čiŋat. Danne lea gávttis álki oaidnit gosa Sápmái olmmoš gullá. Gákti ii čájet guđe riikka, muhto guđe guovllu sápmelaš lea. Dán áigge fárrejit ollu sámit eará guovlluide. Danne sáhttet olbmot seamma guovllus geavahit máŋggalágan gávttiid.