Sámi leavga
Álbmotbeaivvi mii geassit Sámi leavgga leavgastággui. Sámeskuvllain lea dábála ahte rektor čohkke buohkaid leavgastákku lusa. Doppe son sávvá buohkaide lihku álbmotbeivviin. Dan botta go ovdamearkka dihte oahppiidráđi oahppit gesset leavgga leavgastággui lávlot earát Sámi soga lávlaga. Maŋŋela doallá rektor oanehis sártni álbmotbeaivvi birra. Muhtun guovlluin doallá Sámedikki áirras dahje gieldda politihkár oanehis sártni. Dien láhkai čájehat mii berotumi ja árvvus atnit ieamet álbmoga ja álbmotbeaivvi.
Govva: E-skuvla.
|
Sámi leavgga gesset leavgastággui máiddái riikka stuorámus gávpogiin, Stuorradikki dahje Riikkabeivviid, Ráđđehusa vistti ja oaivegávpoga ráđđeviesu olggobealde. Oslo ráđđeviesu diibmočuojanas čuojaha Sámi soga lávlaga Sámi álbmotbeaivvi iđida.
|
