Elsa Laula Renberg

Elsa Laula Renberg Elsa Laula Renberg (1877-1931) riegádii ja bajásšattai Lulli-Sámis, Ruoŧas. Su váhnemat ledje boazosápmelaččat Dikanes guovllus Ruoŧa beale Sámis. Elsa Laula čađahii sealgeeatnioahpu Stockholmmas. Stockholmmas son beasai čuovvut kurssaid, main oahpai searvebargguid birra. Kurssain son oahpai movt galggai álggahit ja jođihit servviid. Doppe son juo čájehii, ahte sus ledje čielga oaivilat ja ahte son lei duostilis nisu. Oahpu maŋŋá Elsa Laula máhcai fas davás ja náitalii Thomas Renbergiin 1908:s. Thomas Renberg lei boazosápmelaš, gii lei eret Norgga beale Lulli-Sámis. Soai ásaiduvaiga Vaapstenii (Vefsn) Nordlándii ja oaččuiga oktiibuot 6 máná. Elsa Laula Renberg jámii 1931:s, 54 jagi boarisin. Elsa Laula Renberg bearrašiinis. Govva: Tromsø Museum. Elsa Laula Renberg barggai sihke boazodilis ja lei roahkkadis politihkár. Son ražai ja geahččalii ovddidit oktasaš ja báikkálaš sámeservviid, buoridit sámemánáid skuvladili, fidnet sámiide jienastanvuoigatvuođa ja oamastanvuoigatvuođa eatnamiidda. Son čállá dáid ᚚiid birra girjjistis mii ilmmai 1904:s Infør lif eller død? (jápmin vai eallin). Elsa Laula girjjáš, man ulbmil lei ovddidit sámiid vuoigatvuođaid. 1904.