Juoiggas! lea interaktiiva CD ja neahttaoahpponeavvu, mas 9 čeahpes juoigi, nu movt Iŋgá Juuso, Iŋgor Ántte Ánte Mihkkal, Ánne Biret Peltoperä ja Piera Balto juiget oktiibuot 25 luođi.

Juoiggas! -oahpponeavvu lea ráhkaduvvon vuosttažettiin nuoraidskuvlla ohppiide, muhto heive áinnasge maiddái eará dásiide ja rávis olbmuide. Juohke luođi sáhttá guldalit ollisin, osiid mielde dahje iešguđetlágan čuojanasaiguin. Interaktiiva nuohtain válljet guđe jiena/čuojanasa hálidat guldalit ja oahpahallat. Oahppit sáhttet vaikko ieža hárjehallat mieđuštit muhtin luođi, ja seammás oahpásmuvvet musihka vuođđogeđggiiguin musihkkateoriija oasis.

Luođit leat válljejuvvon nu ahte dat ovddastit sierra táktašlájaid ja čuodjašlájaid, ja oahpponeavvu oktavuođas leage maiddái musihkkateoriija, mii láide geavaheaddji oahpásmuvvat musihka vuođđogeđggiiguin. Luđiide leat maid ráhkaduvvon evttohusat, mo daidda sáhttá bidjat čuojanasaid mieđuštussan. Sierra boaluiguin sáhttá válljet guđe čuojanasa jiena hálida guldalit luođi lassin, vai hálidago álggus guldalit dušše čuojanasa jiena. Ollu válljenvejolašvuođat dahket ahte oahpponeavvu lea álki heivehit dárbbuid mielde.

Hattit:

Diŋgonskovvái