E-skuvla fállá mánáide ja nuoraide sámegiela ja sámegiel neahttaoahpponeavvuid,
ja maiddái gáiddusoahpahusa vuođđo- ja joatkkaskuvllaid ohppiide. Rávisolbmuide mii fállat davvi-, julev- ja
máttasámegielakurssaid, ja maiddái máŋgakultuvrralašvuođa áddejumi kurssaid.

Ođđasat

Sámegielkursa Kárášjogas
G
uovvamánu 4. beaivve álgá sámegiela álgokurssa goalmmát oassi – Sámegiella 3. Kurssas leat 80 diimmu ja dat bistá 7.4.2019 rádjái. Kursa lea vuossárggaid ja gaskavahkuid diibmu 18-20 ja lassin leat guokte vahkkoloahpa: 8.-10.2 gárdun ja duhppentemá, ja vel kurssa loahpageahčen juođastanmátki Iešjávrái. Kursa lea Eurohpáráđi gielladásis A2.

Kurssas lea iehčanas oahpahallan ja praktihkalaš čoahkkaneamit, main mii bargat ollu suohttasiid, man bokte oahppat giela.

Dalán Sámegiella 3-kurssa maŋŋá lágiduvvo vel Sámegiella 4 (8.4.2019 – 12.6.2019), nu ahte oahppojagi 2018-2019 áigge lea(maš) ollislaš fálaldat 80+80+80+80= 320 diimmu sámegiela!! Kurssat leat nuvttá, muhto mávssát girjjiid ovddas ja iežasoasi mátkkiin. Sámegiella 4 dássi: Eurohpáráđi gielladássi B1, álgooassi)

Dieđiheamit: mob. 95163430 dahje e-poasttain adm@e-skuvla.no.

Kursa lágiduvvo ovttasbarggus Kárášjoga Sámiid Servviin, Norgga Sámedikki ja Kompetanse Norge ruhtademiin.

Sámegiella 5+6 Kárášjogas – Sámegiella praktihkalaš doaimmaid bokte
D
át kursa heive dutnje gii áiggut duođas hállagoahtit sámegiela, ja soaittát leat váldán SAAL2 dahje Davvin 1-4 ovdal (Eurohpáráđi gielladássi B1).

Kursa lea álgán golggotmánus 2018 muhto kursii váldit dađistaga ain ođđa studeanttaid. Kursačoahkkaneamit leat eahkediid ja vahkkoloahpaid. Sáddes e-poastta de oaččut giđa kursaplána.

Kursa lágiduvvo Sámedikki ruhtademiin. Kursamáksu: kr 1500,-, mii máksojuvvo ruovttoluotta kurssa maŋŋá (eaktuduvvo 80% oassálastin).

Dieđiheamit: mob. 95163430 dahje e-poasttain adm@e-skuvla.no.

Sámegielkursa dutnje, gii leat váldán guokte álgokurssa, 60 h beaivit
D
át kursa heive dutnje gii leat váldán guokte álgokurssa, ja háliidat oahppat eanet. Kurssas lea iehčanas oahppan neahtas ja čoahkkaneamit, main leat geavatlaš doaimmat.

Áigi: Bearjadagaid dii 13 – 16.000
Vuosttaš háve: 15.2.2019
Čoahkkaneamit: Oktiibuot 20, maŋimuš háve 14.6.2019.
Kursabáiki: E-skuvla, Juhána Rásttoš geaidnu 2 (vuollegaš alit visti bátnedoaktára olgeš bealde), Kárášjogas
Dieđiheamit maŋimustá 14.2.2019: mia.lansman@karasjok.kommune.no, tlf. 920 13 681 dahje adm@e-skuvla.no, tlf. 951 63 430.

Kursa lágiduvvo Kárášjoga gieldda ovddas.

Bamse
B
amse-bláđđi illudahttá sámi mánáid jo goalmmát jagi! Bamses lea erenoamáš honnet, mainna son šaddá máilmmi gievrramus guovžan. Dat veahkeha su, go son skihpáriinnis gártá ain ođđa ja gelddolaš fearaniidda. Diŋgo don maid Bamse-govvaráidobláđi jahkái de beasat lohkat mo geavvá!

Loga eanet →

Hutkangiisá
H
utkangiisá lea ođđa 4-5 jahkásaččaid várás ráhkaduvvon neahttaoahpponeavvu. Das beassá oaidnit filmmaid dáiddáriin, duojáriin ja mánáin, geat barget luovvalas doaimmaiguin. Oahpponeavvus leat maid iešguđetlágan doaimmat, main galgá ieš tevdnet ja ivdnet, čuojahit rumbbu, gávdnat ovttalaganiid, fuomášit mii govvii ii heive jna. Siidduin leat maid lávlagat ja luođit, muitalusažat ja hoahkamat.

Loga eanet →
Njuolga Hutkangiissá neahttasiidui→


NIGÁ NJOAMMIL DÁL GOLMMA SÁMEGILLII
D
iibmá almmustuvai Nigá-neahttasiidu davvisámegillii. Dál siidu lea gávdnamis buot golmma sámegillii! Nigá-siidu lea movttegis neahttasiidu 4-5 jahkásaččaide, ja áinnas boarrásabbuidege. Nigá mielde mánná beassá hárjehallat loguid 1-10, guldalit bustávvajienaid, hárjehallat doahpagiid seammalágan, earálágan, stuorát/unnit, stuorámus/unnimus, guldalit máidnasiid geahččat filmmaid ja ollu eará

Loga eanet →
Nigá (davvisámegiel neahttasiidui)
Nihkki (julevsámegiel neahttasiidui)
Nigka (máttasámegiel neahttasiidui)



Vállje giela / This post is also available in: English, Suomi, Saemien, Norsk